21:04, Wednesday, 02.12.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

მოკლული დიტო დენტოშვილის დედა გამოძიებას არაობიექტურობაში ადანაშაულებს

04.08.2010
თელავში მოკლული დიტო დენტოშვილის დედა თამარ დენტოშვილი შს კახეთის სამხარეო მთავარ სამმართველოს არაობიექტურობაში ადანაშაულებს. თამარ დენტოშვილის თქმით, თელავის საკრებულოს ნაციონალმა წევრმა თემურ მეტრეველმა მისი შვილი განზრახ მოკლა, სისხლის სამართლის საქმე კი სსკ-ის 117-ე მუხლის მე-2 ნაწილით არის აღძრული, რაც ჯანმრთელობის განზრახ მძიმე დაზიანებას გულისხმობს, რამაც სიცოცხლის მოსპობა გამოიწვია.

შეგახსენებთ, რომ 2010 წლის 3 ივლისს, თელავში, კულტურისა და დასვენების პარკში ჩხუბი მოხდა. სახელისუფლებო პარტიიდან თელავის საკრებულოს წევრმა, 26 წლის თემურ მეტრეველმა 42 წლის დიტო დენტოშვილი სასტიკად ცემა. თვითმხილველების თქმით, ცემის შემდეგ მეტრეველმა დენტოშვილს თავში ქვა ჩაარტყა. დენტოშვილმა სხეულის მძიმე დაზიანებები მიიღო. ის ჯანმრთელობის უმძიმესი მდგომარეობით საავადმყოფოს რეანიმაციულ განყოფილებაში 7 ივლისს გარდაიცვალა, თუმცა მეტრეველს არ აკავებდნენ. მეტრეველი მხოლოდ მას შემდეგ დააკავეს, რაც მომხდართან დაკავშირებით კახეთის საინფორმაციო ცენტრმა ინფორმაცია გაავრცელა. თეიმურაზ მეტრეველს აღკვეთის ღონისძიების სახით 2 თვიანი წინასწარი პატიმრობა აქვს შეფარდებული. პროკურატურა მას სსკ-ის 117-ე მუხლის მე-2 ნაწილით გათვალისწინებული დანაშაულის ჩადენაში ადანაშაულებს. აღნიშნული მუხლი ჯანმრთელობის განზრახ მძიმე დაზიანებას ითვალისწინებს, რამაც გამოიწვია სიცოცხლის მოსპობა და ისჯება თავისუფლების აღკვეთით ვადით ოთხიდან ექვს წლამდე.

თემურ მეტრეველი 2010 წლის 30 მაისის ადგილობრივი თვითმმართველობის არჩევნებისთვის „ერთიანი ნაციონალური მოძრაობის“ პარტიულ სიაში მე-6 ნომერი იყო. მანამდე მეტრეველი წინა მოწვევის საკრებულოს წევრიც იყო. საკრებულოში ის სარეზერვო და სამანდატო, საპროცედურო კომისიას ხელმძღვანელობდა.

კახეთის საინფორმაციო ცენტრი  
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

მე აფხაზეთში მელიან
აფხაზეთში ბოლოს ხუთი წლის წინ ვიყავი. მას შემდეგ დღე არ გადის, მასზე არ ვიფიქრო, არ ვინატრო იქაური ცის ყურება, რადგან იქ ცაც კი
ვრცლად...
მორიგების მორიგი შეთავაზება
ძალადობის მსხვერპლი ქალები
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC