სს „ენერჯი ინვესტის“ გენერალური დირექტორი გენო მალაზონია პატიმრობიდან გაათავისუფლეს.
როგორც მთავარ პროკურატურაში განაცხადეს, მალაზონიასთან საპროცესო შეთანხმება გაფორმდა. საპროცესო შეთანხმების პირობები მოგვიანებით გახდება ცნობილი.
პროკურატურის ინფორმაციით, მალაზონია რამდენიმე დღის წინ გაათავისუფლეს.
მალაზონია წინასწარ პატიმრობაში იმყოფებოდა და დუმილის უფლებას იყენებდა.
გენო მალაზონიას ბრალი ედება უკანონო სამეწარმეო საქმიანობაში. საქმე ეხება 2006 წელს მოპოვებულ ლიცენზიას, რომელიც „ენერჯი ინვესტს“ საქართველოში ელექტროენერგიის მოპოვების უფლებას აძლევდა. ბრალდების მტკიცებით, „ენერჯი ინვესტის“ დირექტორმა დაარღვია ლიცენზირების პირობები, როდესაც ცალკე არ აწარმოა საბუღალტრო აღრიცხვის დოკუმენტები. ლიცენზიის პირობების მიხედვით, საბუღალტრო აღრიცხვა ცალკე უნდა ეწარმოებინა. საუბარია ამ გზით 65 მილიონ ლარზე მეტი შემოსავლის მიღებაზე.
გენო მალაზონია სამართალდამცავებმა 19 მაისს დააკავეს.
ინტერპრესნიუსი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
