06:02, Tuesday, 10.12.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

„პროსტიტუციის ბუდის“ ამბავი

30.09.2010

საბა წიწიკაშვილი, გორი

გორის შს სამმართველოს გამომძიებელმა ბადრი ნაზარაშვილმა და გორის რაიონული პროკურატურის პროკურორმა ირაკლი შანიძემ „პროსტიტუციის ბუდე“ აღმოაჩინეს. „ბუდე“, არც მეტი, არც ნაკლები, სტალინის გამზირზე სასტუმრო „ინტურისტის“ შენობაში ყოფილა. „ინტურისტს“ მთავარ შესასვლელზე დღესაც ამაყად აწერია: „ღამის გასართობი კლუბი“. საინტერესოა, 2 წლის წინ დაარსებული გასართობი კლუბი ახლა რატომ გახდა პრობლემა?

გორის რაიონული სამმართველოს წარმოებაშია სისხლის სამართლის საქმე ზაქარია კაპანაძის, ილია კაპანაძის, მერაბი კაპანაძის და ირინა გრებნევას მიმართ. მათ მიმართ პროკურორმა ირაკლი შანიძემ სისხლის სამართლის საქმე საქართველოს სისხლის სამართლის კოდექსის 254-ე მუხლით აღძრა. აღნიშნული მუხლი შემდეგნაირად კვალიფიცირდება: პროსტიტუციისთვის ადგილის ან საცხოვრებლის გადაცემა ისჯება თავისუფლების აღკვეთით 2-დან 4 წლამდე.

დაკავებულების ადვოკატებიც, ამ შემთხვევაში, პრესასთან მჭიდრო ურთიერთობას თავს არიდებენ და მიაჩნიათ, რომ ყოველგვარი ხმაურისა და აჟიოტაჟის გარეშე შეძლებენ სამართალდამცავებთან და მართლმსაჯულებასთან ურთიერთობის მოგვარებას.

გამოძიებას დადგენილად მიაჩნია შემდეგი: ქ. გორში სტალინის გამზირზე #26-ში მდებარე სასტუმრო „ინტურისტის“ სამეთვალყურეო საბჭოს თავმჯდომარე, ქ. თბილისში მცხოვრებმა ილია კაპანაძემ და ადმინისტრატორებმა გორში მცხოვრებმა მერაბ კაპანაძემ, გორის რაიონის სოფელ შინდისში მცხოვრებმა ზაქარია კაპანაძემ და გორში მცხოვრებმა ირინა გრებნევამ 2008 წელს (ზუსტი რიცხვი დაუდგენელია) განიზრახეს გარკვეული თანხის საფასურად, სისტემატიურად გაექირავებინათ სასტუმროს ნომრები პროსტიტუციით დაკავებულ პირებზე. განზრახვის სისრულეში მოსაყვანად, შეიმუშავეს შესაბამისი ფასები, დაამყარეს კავშირი პროსტიტუციით დაკავებულ ახალგაზრდა ქალებთან, რომელთაც შესთავაზეს თავიანთი საქმიანობა განეხორციელებინათ სასტუმრო „ინტურისტის“ ტერიტორიაზე. სანაცვლოდ, თითოეული ნომრის ქირის გადასახადი დაუწესდებოდათ შედარებით დაბალი. 2010 წლის 7 სექტემბერს გატარებული ოპერატიულ-სამძებრო და საგამოძიებო მოქმედებების შედეგად  ისინი დააკავეს.

სხვათა შორის, პროკურორი ირაკლი შანიძე გასულ წელს სოფელ ზერტის ორი ახალგაზრდის საქმეს იძიებდა. მათ ბრალი ედებოდათ კომბინატის დასახლებაში მდებარე აბანოში მყოფი გოგონების შეურაცხყოფა და კუთვნილი ჩანთის წართმევა. სასამართლო პროცესზე წარმოდგენილნი იყვნენ ასევე სხვა გოგონები, რომლებიც აცხადებდნენ, რომ ზერტელმა ახალგაზრდებმა პროსტიტუციის მიზნით, აბანოში გოგონას ჩანთა წაართვეს და მომსახურება აიძულეს. რატომღაც ირაკლი შანიძეს კომბინატის „აბანო“ არ მიაჩნია სისხლის სამართლის კოდექსის 254-ე მუხლის დარღვევად.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC