08:50, Tuesday, 22.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

რატომ გადაეცა გორის ყოფილ საკოლმეურნეო ბაზარს სკვერები

28.12.2010

საბა წიწიკაშვილი, გორი

გორის საკრებულოს თავმჯდომარემ ზვიად ხმალაძემ შპს „სავაჭრო ცენტრს“ ქალაქის ტერიტორიაზე არსებული 14  ჰა მიწის მწვანე ზოლი სასყიდლიან სარგებლობაში იჯარით გადასცა. ამას  ის  განკარგულება მოწმობს, რომელიც საკრებულომ 2010 წლის ბოლო სხდომაზე დაამტკიცა.

საკრებულომ კი #134 განკარგულება დაამტკიცა, მაგრამ ჯერ იჯარის ხელშეკრულება არ არის გაფორმებული. იჯარის ხელშეკრულებაში „სავაჭრო ცენტრი“ სავალდებულო წესით, შემდეგი პირობების შესრულებას იკისრებს:

ციტატა განკარგულებიდან: „ქონება გადაეცემა მხოლოდ კეთილმოწყობის მიზნით და გამოყენებულ იქნება მხოლოდ პირდაპირი დანიშნულებით, კომერციული ინტერესის გამორიცხვით“.

ზვიად ხმალაძე განკარგულებაში ასევე უთითებს, რომ ამით მოხდება რეკრეაციული და ქალაქის ესთეტიკური იერსახის გაუმჯობესება.

გორის შპს „სავაჭრო ცენტრი“ ყოფილი საკოლმეურნეო ბაზარია. მისი პარტნიორია შპს „საქართველო-ისრაელის პროექტის მენეჯმენტი“. დირექტორი - გიორგი ბოჭორიშვილი.

ზვიად ხმალაძის განკარგულება ორ ურთიერთგამომრიცხავ პუნქტებს შეიცავს. კერძოდ, თუ განკარგულების მეორე პუნქტის პირველ ნაწილში წერია, რომ ქონება შპს სავაჭრო ცენტრს გადაეცემა კეთილმოწყობის მიზნით და პირდაპირი დანიშნულებით, მეორე პუნქტის „ბ“ ქვეპუნქტში კი ვკითხულობთ:

ციტატა - „მოიჯარეს დაეკისროს 2011 წლის 1 თებერვლამდე ინვესტირების განხორციელების ვალდებულება აგრარული ბაზრის მოსაწყობად შესაბამის ტერიტორიაზე“.

„ადამიანის უფლებათა ცენტრის“ გორის ოფისისთვის გაურკვეველი რჩება რას გულისხმობს ფრაზა - „შესაბამის ტერიტორიაზე აგრარული ბაზრის მოწყობა“.

ამის გასარკევად მივმართეთ საკრებულოს იურისტს ნიკოლოზ ადიკაშვილს განმარტებისთვის. მან გვითხრა, რომ საერთოდ არ იცნობს საკითხს. მივმართეთ საკრებულოს აპარატს. მისმა წარმომადგენელმა მარინა გენგიურმა გვითხრა, რომ პროექტი გამგეობის ქონების განყოფილებამ მოამზადა. მივმართეთ ზაზა ხუროშვილს, რომელიც ქონების მართვის განყოფილების სპეციალისტია გამგეობაში.

„შესაბამის ტერიტორიაში“ ნამდვილად არ იგულისხმება ის მწვანე ზოლი, რომელიც „სავაჭრო ცენტრს“ გადაეცემა. ჯერ-ჯერობით იჯარის ხელშეკრულება არ არის მათთან გაფორმებული, სადაც აუცილებლად განიმარტება თუ რა იგულისხმება ამ წინადადებაში“, - გვითხრა ზაზა ხუროშვილმა.

სტატია უკვე მზად იყო, როცა დარგობრივი ეკონომიკის კომიტეტიდან დაგვირეკეს და გვითხრეს, რომ ამ განკარგულებაში მოხდება ჩასწორება, სადაც „შესაბამის ტერიტორიას“ მიემატება სიტყვები: „რაც უკავია“.

მიუხედავად ამისა, „ადამიანის უფლებათა ცენტრის“ გორის ოფისისთვის გაუგებარია გამგეობის მხრიდან ინვესტირების დავალდებულება იმ ტერიტორიაზე, რომელიც „სავაჭრო ცენტრს“ ისედაც უკავია და მისი საკუთრებაა.

არადა, ზვიად ხმალაძის #134 განკარგულებაში წერია: „გორის მუნიციპალიტეტის საკუთრებაში რიცხული გურამიშვილის ქუჩაზე მდებარე სკვერი (3 423 კვ.კმ), 2. მზეჭაბუკის მონუმენტის ირგვლივ მდებარე სკვერი (8 350 კვ.მ). სავაჭრო ცენტრთან არსებული გამწვანების ზონა (2 657 კვ.მ) გადაეცეს სასყიდლიან სარგებლობაში შპს „სავაჭრო ცენტრს“ და გაფორმდეს იჯარის ხელშეკრულება“.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC