შსს-მ და ოთარ გვენეტაძემ საიას დაცვის ქვეშ მყოფი მოქალაქისთვის მორალური ზიანის ანაზღაურების ვალდებულება იკისრეს
28 აპრილი, 2011
საქართველოს ახალგაზრდა იურისტთა ასოციაცია საადვოკატო დახმარებას უწევდა მოქალაქე ეკა მათიაშვილს, რომელსაც 2011 წლის 3 იანვარს, ვეტერანთა აქციის ძალის გამოყენებით დაშლის დროს, შსს-ს თანამშრომელმა _ ოთარ გვენეტაძემ მიაყენა ფიზიკური შეურაცხყოფა. საიას დახმარებით, ეკა მათიაშვილმა სარჩელი შეიტანა თბილისის საქალაქო სასამართლოში და მოითხოვა მიყენებული მორალური ზიანის ანაზღაურება. სარჩელი შეტანილი იყო როგორც შინაგან საქმეთა სამინისტროს, ასევე უშუალოდ ოთარ გვენეტაძის წინააღმდეგ. მოსარჩელე მორალური ზიანის ანაზღაურების სახით 10 000 ლარის გადახდას მოითხოვდა.
2011 წლის 27 აპრილს გამართულ სასამართლო სხდომაზე, როგორც საქართველოს შინაგან საქმეთა სამინისტრომ, ასევე ოთარ გვენეტაძემ დაადასტურეს ეკა მათიაშვილისადმი მორალური ზიანის მიყენების ფაქტი და მას დავის მორიგების გზით გადაწყვეტა შესთავაზეს. საბოლოოდ, შინაგან საქმეთა სამინისტრომ და ოთარ გვენეტაძემ იკისრეს ვალდებულება, ეკა მათიაშვილისადმი მიყენებული მორალური ზიანის ანაზღაურების მიზნით, თითოეულმა მათგანმა მათიაშვილს გადაუხადოს 4000-4000 (ოთხი ათასი) ლარი, სულ - 8 000 ლარი.
საქართველოს ახალგაზრდა იურისტთა ასოციაცია მოხარულია, რომ შინაგან საქმეთა სამინისტრომ, ისევე როგორც ოთარ გვენეტაძემ, აღიარეს მოქალაქისათვის მორალური ზიანის მიყენების ფაქტი და გამოთქვეს აღნიშნული ზიანის ანაზღაურების სურვილი. თუმცა, აქვე აღვნიშნავთ, რომ 2011 წლის 3 იანვარს ოთარ გვენეტაძისა და სხვა სამართალდამცველების ქმედებაში გამოიკვეთა სხვადასხვა სიმძიმის კანონდარღვევები.
საქართველოს ახალგაზრდა იურისტთა ასოციაცია მოუწოდებს შინაგან საქმეთა სამინისტროს, ადეკვატური პასუხისმგებლობა დააკისროს ყველა მონაწილე პირს, რომლებიც აღნიშნულ დარღვევაში მონაწილებდნენ.
2011 წლის 27 აპრილს გამართულ სასამართლო სხდომაზე, როგორც საქართველოს შინაგან საქმეთა სამინისტრომ, ასევე ოთარ გვენეტაძემ დაადასტურეს ეკა მათიაშვილისადმი მორალური ზიანის მიყენების ფაქტი და მას დავის მორიგების გზით გადაწყვეტა შესთავაზეს. საბოლოოდ, შინაგან საქმეთა სამინისტრომ და ოთარ გვენეტაძემ იკისრეს ვალდებულება, ეკა მათიაშვილისადმი მიყენებული მორალური ზიანის ანაზღაურების მიზნით, თითოეულმა მათგანმა მათიაშვილს გადაუხადოს 4000-4000 (ოთხი ათასი) ლარი, სულ - 8 000 ლარი.
საქართველოს ახალგაზრდა იურისტთა ასოციაცია მოხარულია, რომ შინაგან საქმეთა სამინისტრომ, ისევე როგორც ოთარ გვენეტაძემ, აღიარეს მოქალაქისათვის მორალური ზიანის მიყენების ფაქტი და გამოთქვეს აღნიშნული ზიანის ანაზღაურების სურვილი. თუმცა, აქვე აღვნიშნავთ, რომ 2011 წლის 3 იანვარს ოთარ გვენეტაძისა და სხვა სამართალდამცველების ქმედებაში გამოიკვეთა სხვადასხვა სიმძიმის კანონდარღვევები.
საქართველოს ახალგაზრდა იურისტთა ასოციაცია მოუწოდებს შინაგან საქმეთა სამინისტროს, ადეკვატური პასუხისმგებლობა დააკისროს ყველა მონაწილე პირს, რომლებიც აღნიშნულ დარღვევაში მონაწილებდნენ.
gyla.ge
ახალი ამბები
პოპულარული
სტატია
13 თებერვალი, 2024
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სტატია
28 დეკემბერი, 2023
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
სტატია
13 დეკემბერი, 2023
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
