10:51, Wednesday, 11.12.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ადვოკატთა ასოციაციამ ადვოკატ ირინა საღინაძის შეურაცხყოფის ფაქტი განიხილა

26.10.2011
25 ოქტომბერს საქართველოს ადვოკატთა ასოციაციამ ადვოკატ ირინა საღინაძის ირგვლივ განვითარებულ მოვლენებთან დაკავშირებით ადვოკატთა უფლებების დაცვის კომისია მოიწვია.

საქმე საღინაძის მიმართ ქსნის #15 დაწესებულების ადმინისტრაციის  თანამშრომლების მიერ განხორციელებულ ფიზიკურ და ფსიქოლოგიურ ზეწოლას ეხება.

როგორც ადვოკატი აცხადებს, მას მისი დაცვის ქვეშ მყოფი ნუგზარ თაბაგარის წამების დამადასტურებელი მტკიცებულებები ჰქონდა, ციხის ადმინისტრაციის თანამშრომლებმა გიორგი ფარჯანაძემ, გოგა ნემსაძემ და დიმიტრი ჩხაიძემ კი მას აღნიშნული დოკუმენტი მოსთხოვეს.

როგორც საღინაძე აცხადებს, მისგან უარის მიღების შემდეგ აღნიშნულმა პირებმა მას ფიზიკური შეურაცხყოფა მიაყენეს და დოკუმენტები ძალის გამოყენებით წაართვეს.

ადვოკატმა სამედიცინო შემოწმება გაიარა, რომელმაც დაადასტურა, რომ საღინაძეს მარცხენა წინა მხარის არეში სისხლჩაქცევები, ესკორაციები, მარჯვენა უკანა მხარის დაჟეჟილობა აღენიშნება.

ადვოკატთა ასოციაციის თავმჯდომარე ზაზა ხატიაშვილი აღნიშნულ ფაქტს სისხლის სამართლის დანაშაულის კვალიფიკაციას აძლევს.

„საღინაძესთან მიმართებაში სისხლის სამართლის დანაშაული მოხდა. ეს ადვოკატთა უფლებების უხეში დარღვევაა. ქალბატონი ირინა ადვოკატებზე ზეწოლის ერთ-ერთი მაგალითია. ჩვენ ყველა საერთაშორისო ორგანიზაციას მივმართავთ და ამ ფაქტის შესახებ ვაცნობებთ“, - განაცხადა ხატიაშვილმა.

შეგახსენებთ, რომ ირინა საღინაძის დაცვის ქვეშ მყოფი პირის ნუგზარ თაბაგარის ცემისა და წამების ფაქტზე სისხლის სამართლის საქმეა აღძრული.

„20 ოქტომბერს მოწმის სახით დაიკითხა მსჯავრდებული, თუმცა თავი შეიკავა ჩვენებისგან და ითხოვა უსაფრთხოების გარანტიები, ვინაიდან მის მიმართ ადმინისტრაციის მხრიდან დღემდე ფსიქოლოგიურ და ფიზიკურ ზეწოლას აქვს ადგილი“,- აცხადებს ადვოკატი საღინაძე.

როგორც ადვოკატთა ასოციაციაში აცხადებენ, ადვოკატზე განხორცელებული ზეწოლის ფაქტთან დაკავშირებით სისხლის სამართლის საქმის აღძვრის მოთხოვნით იუსტიციის სამინისტროს უკვე მიმართეს. უახლოეს დღეებში კი ინფორმაცია ევროპის ადვოკატთა საერთაშორისო ობსერვატორიას გადაეგზავნება, რომელმაც  ერთი კვირის წინ დასკვნა დადო, რომ საქართველოში  ადვოკატები შიშის ქვეშ მოქმედებენ.

საინფორმაციო სააგენტო „პირველი“

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC