05:21, Monday, 05.12.2016
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

მატანის სკოლის დირექტორმა პედაგოგებს „გლობალ TV“-ის ანტენების დაყენება აუკრძალა

31.05.2012
ახმეტის მუნიციპალიტეტის სოფელ მატანის #1 საჯარო სკოლისდირექტორმა ნელი ტერტერაშვილმა საგანგებო თათბირი გამართა და პედაგოგებს „გლობალ TV“-ის ანტენების დაყენება აუკრძალა, წინააღმდეგ შემთხვევაში კი სამსახურიდან გათავისუფლებით დაემუქრა.

„გუშინ სამასწავლებლოში რომ შევედი დირექტორი მასწავლებლებს ეუბნებოდა, ვინც ბიძინა ივანიშვილისგან სატელიტურ ანტენას მიიღებს, სახლში წავაო. ჯერ ვერ მივხვდი რაზე იყო საუბარი და თანამშრომელს ვკითხე, სახლში წავა რას ნიშნავს მეთქი. მან მითხრა, გვემუქრება რომ სამსახურიდან გაგვათავისუფლებსო. უკვე ყველა კანკალებდა, ყველა ამბობს, რომ უარს იტყვიან ანტენების დამონტაჟებაზე. ეს  ჩვეულებრივი ამბავია აქ და თან ჩვენი სკოლის დირექტორისგან, დაზაფრა ხალხი. სკოლაში ისეთი სიტუაციაა, რომ „ქართულ ოცნებაზე“ ხმას საერთოდ ვინ ამოიღებს. თუ ვინმე გაბედავს და შემეწინააღმდეგება იმ წუთში დატოვებს სკოლასო. მხოლოდ ორმა მასწავლებელმა გაბედა ეთქვა, რატომ არ უნდა ავიღოთ ანტენები, გვაინტერესებსო. იცის რომ პატრონი ჰყავს და რასაც უნდა იმას იტყვის. ისე მოიყვანა და დასვა გამგებელმა კობა მაისურაძემ, რომ გამოცდებიც არ ჩაუბარებია“, - აღნიშნა პედაგოგმა.

მისივე თქმით, მასწავლებლებზე ზეწოლას დირექტორის მოადგილეც ახდენს.

„დირექტორის მოადგილემ ფატი ჭილაშვილმა უთხრა ერთ მასწავლებელს, შენ ზედმეტი რაღაცეები გილაპარაკია, არჩევნებზე რომ მიხვალ 5-იანი უნდა შემოხაზო და ყველას აჩვენო, იმიტომ, რომ ეჭვმიტანილი ხარო,“ - განაცხადა პედაგოგმა.

სკოლის დირექტორი და მისი მოადგილე მასწავლებლის ბრალდებებს კატეგორიულად უარყოფენ.

„არა გენაცვალე, მცდარი ინფორმაცია გაქვთ, მაგ თემაზე საუბარი არ ყოფილა, პირველად მესმის, მითხარით, რომელმა გითხრათ? სრული პასუხისმგებლობით ვამბობ, რომ მაგ თემაზე არ გვისაუბრია, რა ანტენაზეა საუბარი ეგეც პირველად მესმის, გულწრფელად გეუბნებით“, - განუცხადა კახეთის საინფორმაციო ცენტრს ნელი ტერტერაშვილმა.

„მე ვუთხარი? როგორ გეკადრებათ, მსგავსი რამ არავისთვის მითქვამს. არასწორია გენაცვალე, მტკნარი სიცრუე და ცილისწამებაა“, - აღნიშნა ფატი ჭილაშვილმა.

კახეთის საინფორმაციო ცენტრი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
როგორ ჩატარდა საპარლამენტო არჩევნები?
დარღვევების გარეშე დარღვევებით გაყალბდა არ ვიცი მიჭირს პასუხის გაცემა

ბლოგი

კუდები გვაკვირვებს
ბოლო დღეების განმავლობაში საზოგადოებისთვის თვალშისაცემია კამპანია „ეს შენ გეხებას“ გააქტიურება. კამპანიის ცნობილ მარკაზე გაჩნდა ახალი წარწერა - „ისევ გვისმენენ - ისევ გვითვალთვალებენ“. ეს
ვრცლად...
მოჩვენებითი მშვიდობა ბალკანეთში
მშიერი კომისიის წევრები და გაბრაზებული თავმჯდომარეები ბათუმში
არქივი
  

       

რედაქტორის აზრი

უიმედოთა სოფელი
სამკურნალო წყლის - „ძუღურის“ შესახებ პირველად რამდენიმე დღის წინ შევიტყვე. ინფორმაციის მოძიების შემდეგ გავიგეთ, რომ „ძუღურის წყალი“ ქუთაისში ჯაჭვის ხიდთან იყიდებოდა. იქიდან დაიწყო
ვრცლად...
რა დაემართა სამართლიანობის აღდგენის ოცნებას
პატიმართა მასობრივი პროტესტის მიზეზები
არქივი
თემები
კატეგორიები

Copyright © 2004 - 2016 HRIDC