საგარეჯოს რაიონის სოფელ გიორგიწმინდაში მცხოვრები სოლომონ ჯამალაშვილი, რომელიც შეზღუდული შესაძლებლობის მქონე პირია, აცხადებს, რომ უკვე 9 თვეა პენსიიდან თანხას უკავებენ.
„მედავებიან, მიწის გადასახადი გაქვს გადასახდელი 2 ათასი ლარის ოდენობითო და გასული წლის ნოემბრიდან პენსიიდან თანხას მიკავებენ. პენსია ჩემი ერთადერთი შემოსავალია. თუ პენსიიდან უნდა ჩამომაჭრან თანხა, მაშინ მანქანას რატომ დაადეს ყადაღა. ზაფხულში მანქანაც დამიყადაღეს“, – აღნიშნა სოლომონ ჯამალაშვილმა.
შეგახსენენთ, რომ გასული წლის გაზაფხულზე კახეთში 500-ზე მეტმა პენსიონერმა მარტისა და აპრილის თვეების პენსია ვერ მიიღო. სოციალური დახმარების გარეშე დარჩა 100-მდე ოჯახი. შემოსავლების სამსახურმა პენსიონერებს და სოციალურად დაუცველ ოჯახებს ანგარიშზე დარიცხული თანხა ავტომატურად ჩამოაჭრა და ბიუჯეტში გადარიცხა. ამ ფაქტებზე კახეთის საინფორმაციო ცენტრის მიერ ინფორმაციის გავრცელების შემდეგ, შემოსავლების სამსახურმა განმარტა, რომ პენსიონერებსაც და სოციალურად დაუცველ ოჯახებსაც ინკასო მოუხსნეს, თუმცა, აღმოჩნდა, რომ პენსიიდან თანხის დაკავება დღემდე ხდება.
კახეთის საინფორმაციო ცენტრი
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
