12:37, Friday, 05.06.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ოპოზიცია „ნაციონალურ მოძრაობას“ ქრთამის გაცემაში ამხელს

30.08.2012
„მაშინ, როცა ხელისუფლება „ქართულ ოცნებას“ მთელ ქონებას უყადაღებს და გასაქანს არ აძლევს, წინასაარჩევნო კამპანია აწარმოოს, სახელისუფლებო პარტიის წარმომადგენლები ქუთაისში, ყველა უბნის მიკროკოორდინატორებს თანხას ურიგებენ. საუბარია 250 ლარზე, რომელიც გასულ კვირას აღნიშნულ პირებს გაწეული სამსახურისთვის „ნაციონალებმა“ დაურიგეს“, - აცხადებენ ,,ქართული ოცნების” ქუთაისის ორგანიზაციაში.

ივანიშვილის პარტიის ბრალდებას სხვა ოპოზიციური პარტიებიც უერთდებიან. „თავისუფალი საქართველოს“ ქუთაისის ორგანიზაციაში აცხადებენ, რომ ხელისუფლება ყველაფერზეა წამსვლელი, ოღონდ არჩევნები მოიგოს.

„ქუთაისში „ნაციონალებს“5500-მდე კოორდინატორი ჰყავთ, რომლებსაც ხელფასები დაურიგეს. ეს თანხა ხელზე გაიცა. არ არსებობს არანაირი უწყისი, ხელმოწერა და არც დაქვითვა საშემოსავლო გადასახადის სახით. მოკლედ, ხელფასების გაცემის ფაქტი არსად ჩანს, რაც იმაზე მეტყველებს, რომ ეს ქრთამია და არა ხელფასი. 250 ლარი მიიღეს მიკროკოორდინატორებმა იმისათვის, რომ ბინებში ჩამოევლოთ, გაეგოთ, ვის აძლევს ხმას ხალხი, მერე კი დაერწმუნებინათ ადამიანები, რომ „ნაცმოძრაობა“ აირჩიონ. რაც შეეხებათ კოორდინატორებს, მათი ანაზღაურება უფრო მაღალია“, - ამბობს პარტია „თავისუფალი საქართველოს“ ქუთაისის ორგანიზაციის ხელმძღვანელი გოგი წულაია.

humanrights.ge-სთან საუბრისას მიკროკოორდინატორები ადასტურებენ, რომ რამდენიმე კვირის წინ მმართველი  პარტიისგან მოსახლეობის აღწერისა და მათი პოლიტიკური  ორიენტაციის კვლევის დავალება მართლაც მიიღეს. თუმცა, ანაზღაურების თემაზე საუბრისგან თავს იკავებენ.

ოპოზიციაში აცხადებენ, რომ „ნაციონალები“ ამომრჩევლის მოზიდვას ქუთაისში უხვი  ფინანსური რესურსით და  კანონსაწინააღმდეგო ქმედებებით ცდილობენ.

შორენა კაკაბაძე, ქუთაისი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
არიან თუ არა ამჟამად საქართველოში პოლიტიკური პატიმრები?
დიახ არა არ ვიცი

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC