27 ნოემბერს ტყიბულს რაიონს გარემოს დაცვის მინისტრის პირველი მოადგილე ნინო შარაშიძე, ენერგეტიკისა და ბუნებრივი რესურსების სამინისტროსა და საქართველოს პარლამენტის გარემოს დაცვისა და ბუნებრივი რესურსების კომიტეტების წარმომადგენლები ეწვივნენ. მათთან ერთად იმყოფებოდა ტყიბულის მაჟორიტარი დეპუტატი ელისო ჩაფიძე.
მათ ერთ-ერთი დასაწყობების ადგილზე მოჭრილი წაბლის ხეები მოინახულეს. „აქ ნათლად ჩანს როგორი სანიტარული ჭრა არის ჩატარებული. ფაქტობრივად საღი ხეებია მოჭრილი. არანაკლებ ცუდი ვითარებაა თავად ქალაქის ტერიტორიაზე, სადაც ასევე უკანონო ჭრა მიმდინარეობს“, - განაცხადა ელისო ჩაფიძემ.
გარემოს დაცვის მინისტრის პირველი მოადგილის ნინო შარაშიძის განცხადებით, შეიქმნება კომისია, რომელიც შეამოწმებს, რამდენად მართებულად ხორციელდება სანიტარული ჭრა.
გარემოს დაცვის ყოფილი მინისტრი გოგა ხაჩიძე კი განსხვავებულ აზრს აფიქსირებს: „ყველა ის ხეა მოჭრილი რომელიც დაავადებულია. ეს ჭრა მიზნობრივია, რათა ჯანსაღი ხეები არ დაავადდეს“.
მარი ტაბიძე, ტყიბული
ახალი ამბები
პოპულარული
რატომ ვერ იბრუნებენ კონფლიქტით დაზარალებული ოსები საქართველოს მოქალაქეობას და ქონებას?
სპეციალურ პენიტენციურ სამსახურს წამების მსხვერპლის სასარგებლოდ 50 000 ლარის გადახდა დაეკისრა
'ალბათ, ნებისმიერი რეგიონული ჟურნალისტი გეტყვით, რომ გადარჩენისთვის გვიწევს ბრძოლა!'
