03:08, Sunday, 12.07.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

რატომ დაიბარეს დაკითხვებზე ნაციონალების კოორდინატორები

07.02.2013
Humanrights.ge–ს ინფორმაციით, ლანჩხუთში ნაციონალური მოძრაობის კოორდინატორები დაკითხვაზე დაიბარეს.

ჩვენი ინფორმაციით, დაკითხვების მიზეზი თანხების გაფლანგვაა. Humanrights.ge შეეცადა დაკითხულებს დაკავშირებოდა. ერთ–ერთი მათგანი, ნაციონალური მოძრაობის მთავარი კოორდინატორი, რომელმაც ვინაობის დასახელებისაგან თავი შეიკავა, ამბობს, რომ დაკითხვები ნორმალურად წარიმართა და მათზე რაიმე სახის ზეწოლა არ მომხდარა:

„მე დავიკითხე მოწმის სახით, სამწუხაროდ, გამოძიების ინტერესებიდან გამომდინარე, მიზეზს ვერ გეტყვით, არ ვიცი, კიდევ დამიძახებენ თუ არა“, – გვითხრა ყოფილმა კოორდინატორმა.

ჩვენ ინფორმაციის გადამოწმება ნაციონალური მოძრაობის ადგილობრივ ორგანიზაციაში ვცადეთ, თუმცა ორგანიზაციის ამჟამინდელმა ხელმძღვანელმა, გამგებლის მოადგილე კახა ასკურავამ ჩვენს სატელეფონო ზარებს არ უპასუხა.

როგორც გავარკვიეთ, ასკურავა ამჟამად შვებულებაში და სამსახურში არ იმყოფება. თავად ორგანიზაციის ოფისი კი, დაკეტილია.

ფაქტის შესახებ არაფერი იცის გამგებლის მეორე მოადგილემ, ნუგზარ ღლონტმა. საკრებულოს ნაციონალური მოძრაობის ფრაქციის ხელმძღვანელი გელა ქურიძეც არ ფლობს აღნიშნულ ინფორმაციას.

ნამდვილად დაიკითხნენ თუ არა ნაციონალური მოძრაობის კოორდინატორები? ამ კითხვით მივმართეთ შინაგან საქმეთა სამინისტროს პრესსამსახურის უფროსს, ნინო გიორგობიანს.

მისი თქმით, ამის შესახებ საქართველოს მთავარმა პროკურატურამ უკვე გააკეთა განცხადება.

საქართველოს მთავარი პროკურატურის პრესასთან და საზოგადოებასთან ურთიერთობის სამმართველოს უფროსმა, ხათუნა პაიჭაძემ ეს ინფორმაცია დაგვიდასტურა და განაცხადა:

„მხოლოდ კოორდინატორები არ დაკითხულან. გამოძიება მიმდინარეობს ერთ–ერთ სისხლის სამართლის საქმეზე, რომელიც საზოგადოებისთვის უახლოეს მომავალში გახდება ცნობილი. ამის მეტს ვერაფერს გეტყვით, სანამ გამოძიება არ დასრულდება. გეტყვით მხოლოდ, რომ თითოეული მათგანი მოწმის სტატუსით დაიკითხა. ვერც იმას გეტყვით ამ ეტაპზე, გაგრძელდება თუ არა დაკითხვები. ალბათ, მანამდე გაგრძელდება, სანამდე საჭიროდ ჩათვლის გამოძიება“, აღნიშნა ხათუნა პაიჭაძემ.

ლანჩხუთის პოლიციაში დაკითხვების ფაქტს გვიდასტურებენ, მაგრამ გამოძიების ინტერესებიდან გამომდინარე, დამატებითი ინფორმაციის მოწოდებისაგან თავს იკავებენ.

ნინო მშვიდობაძე, გურია

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მომზადებული შეხვდა თუ არა ქვეყანა საგანგებო მდგომარეობის გამოცხადებას?
დიახ არა ნაწილობრივ

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC