08:20, Wednesday, 13.11.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

გამსახურდია რუსეთის წინააღმდეგ!

07.11.2013

 
ადამიანის უფლებათა ცენტრის სარჩელი ევროპის ადამიანის უფლებათა სასამართლოში
  
8 ნოემბერს, 14:00  საათზე,  თბილისის ადამიანის უფლებათა სახლის საკონფერენციო დარბაზში ადამიანის უფლებათა ცენტრი მართავს პრესკონფერენციას ადამიანის უფლებათა ევროპულ სასამართლოში წარმოებულ საქმეზე Gamsakhurdiya vs Russia.
 
ადამიანის უფლებათა ცენტრმა რუსეთის წინააღმდეგ განმცხადებელ გოჩა გამსახურდიას სახელით ევროპის ადამიანის უფლებათა სასამართლოს 2013 წლის 26 მარტს მიმართა. განმცხადებლის  მიმართ  რუსეთის ფედერაციის მიერ დაირღვა ევროკონვენციით და მისი დამატებითი ოქმებით გარანტირებული პირადი და ოჯახური ცხოვრების დაცულობის უფლება, მეუღლეთა თანასწორობის პრინციპი, წამების აკრძალვა და სამართლებრივი დაცვის ქმედითი საშუალების უფლება. 

გოჩა გამსახურდიას რუსეთის ტერიტორიაზე 2012 წლის 2 აპრილიდან დაკარგული ჰყავს მეუღლე და არასრულწლოვანი შვილი, რომელთა ადგილსამყოფელიც მისთვის დღემდე უცნობია. მიუხედავად  გოჩა გამსახურდიას  არაერთი მიმართვისა რუსეთის ფედერაციის საგამოძიებო ორგანოებისადმი, ისინი უარს აცხადებენ განმცხადებლისათვის ცოლ-შვილის ადგილსამყოფელის გამჟღავნებაზე. 
 
საქართველოს საგარეო საქმეთა სამინისტროს საპროტესტო ნოტაზე პასუხად, რუსეთის  შინაგან საქმეთა სამინისტრომ უარი განაცხადა განმცხადებლის ცოლ-შვილის ადგილსამყოფელის გამჟღავნებაზე. გოჩა გამსახურდია და მისი ოჯახის წევრები რუსეთისა და საქართველოს მოქალაქეობის მფლობელები არიან. რუსეთის შინაგან საქმეთა სამინისტროს ორგანოები აფრთხილებდნენ გოჩა გამსახურდიას, არ გადაეკვეთა რუსეთის საზღვარი. წინააღმდეგ შემთხვევაში, მის სიცოცხლეს საფრთხე შეექმნებოდა. 

გოჩა გამსახურდია თითქმის ორი წელია, განიცდის შვილის დაკარგვით გამოწვეულ ძლიერ სულიერ ტანჯვას. მან წელიწადნახევრის წინ დატოვა საკუთარი სახლ-კარი და საცხოვრებლად გადავიდა მცხეთის წმ. გიორგი მთაწმინდელის სახელობის მონასტრის მიუსაფარ ბავშვთა სახლში, სადაც მუშაობს დამხმარედ. 
 
გამსახურდიას  მიმართ დაირღვა მამის უფლება, იცოდეს შვილის ადგილსამყოფელი  და ჰქონდეს ურთიერთობა ბავშვთან. ამასთანავე, იგი მოკლებულია შესაძლებლობას, ისარგებლოს სამართლებრივი დაცვის ქმედითი საშუალებით რუსეთის ტერიტორიაზე. 

ადამიანის უფლებათა ცენტრი  იმედოვნებს, რომ გოჩა გამსახურდია ადამიანის უფლებათა ევროპული სასამართლოს მეშვეობით შეძლებს დარღვეული უფლების აღდგენას და მიეცემა შესაძლებლობა მშობლის უფლების  განხორციელებისა,  ამასთანავე, დაცული იქნება მისი არასრულწლოვანი შვილის  საუკეთესო ინტერესი.

ადამიანის უფლებათა ცენტრი
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC