19:35, Wednesday, 23.10.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

იუსტიციის სამინისტრომ გაიზიარა კოალიციის რეკომენდაციები ქალების წინააღმდეგ ძალადობისა და ოჯახში ძალადობის შესახებ

12.08.2015

 
coalition.org.ge

4 აგვისტოს კოალიციის დამოუკიდებელი და გამჭვირვალე  მართლმსაჯულებისათვის წარმომადგენლებმა მონაწილეობა მიიღეს იუსტიციის სამინისტროს მიერ ორგანიზებულ შეხვედრაში. შეხვედრაზე განიხილეს საკანონმდებლო ცვლილებების პაკეტი, რომელიც „ქალთა მიმართ ძალადობისა და ოჯახში ძალადობის პრევენციისა და აღკვეთის შესახებ კონვენციის“ (სტამბულის კონვენციის) მოთხოვნების განხორციელებას ისახავს მიზნად. იუსტიციის სამინისტრომ თავის საკანონმდებლო პაკეტში კოალიციის მიერ წარდგენილი რამდენიმე რეკომენდაცია ასახა. მათ შორის, უმნიშვნელოვანესი რეკომენდაციები, პარლამენტის მიერ მხარდაჭერის შემთხვევაში:
  • საშუალებას მისცემს პოლიციელს, გამოსცეს  შემაკავებელი ორდერი სასამართლოს გადაწყვეტილების გარეშე. პირს, რომელის მიმართაც გამოიცა ორდერი, ექნება შესაძლებლობა, გაცემის მომენტიდან 5 დღის განმავლობაში გაასაჩივროს ორდერი სასამართლოში;
  • გააფართოვებს ოჯახში ძალადობის მსხვერპლის განსაზღვრებას, რომ ასევე მოიცვას პარტნიორები და ყოფილი პარტნიორები, და არა მხოლოდ ქმრები და ცოლები;
  • სისხლის სამართლის კოდექსში დაამატებს მუხლს ადევნების შესახებ. ახალი კანონის მიხედვით, ადევნების დასადასტურებლად არ იქნება აუცილებელი იმის დამტკიცება, რომ მსხვერპლს მოუხდა ცხოვრების წესის შეცვლა. საკმარისი იქნება იმის ჩვენება, რომ პირის ქმედებების გამო მსხვერპლს დაუდგა ცხოვრების წესის შეცვლის საჭიროება;
  • ცვლილებები შევა რამდენიმე მუხლში, რომელიც შეეხება ოჯახში ძალადობას, იძულებით სტერილიზაციას, გაუპატიურებას, ყველა სახის სქესობრივ დანაშაულს, მუქარის დანაშაულსა და ადევნებას იმგვარად, რომ ეს დანაშაულებები უფრო მძიმედ კვალიფიცირდება, თუკი მათი მსხვერპლი შეზღუდული შესაძლებლობის მქონე პირია.
კოალიცია აპირებს გააგრძელოს ადვოკატირება, როცა კანონპროექტები უკვე პარლამენტს წარედგინება განსახილველად.
Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC