08:00, Wednesday, 15.07.2020
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

პოლიციელთა მიერ ადამიანთა ცემა-წამება გრძელდება

01.10.2004

პოლიციელთა მიერ ადამიანთა ცემა-წამება გრძელდება

პოლიციელთა მიერ დაკავებულთა ცემა-წამებას ბოლო არ უჩანს. 27 სექტემბერს ვაკე საბურთალოს პოლიციის ქვეგანყოფილებაში ხულიგნობის ბრალდებით მიყვანილ გ. კ. სამართალდამცავებმა სასტიკად სცემეს. მიუხედავად ადვოკატების შუამდგომლობისა, გ. კ-ს სასამართლო-სამედიცინო ექპერტიზა ჯერაც არ ჩატარებია.

2004 წლის 27 სექტემბერს დაახლოებით 22:00 საათზე პოლიციის თანამშრომლებმა  საგზაო ინციდენტის გამო დააკავეს გ. კგ. კ და რ. ვ., რომლებიც მაშინვე წაიყვანეს ვაკე-საბურთალოს შს სამმართველოს II ქვეგანყოფილებაში. აღნიშნული პირები როგორც დაკავებისას, ისე პოლიციის ქვეგანყოფილებაში მიყვანის დროს სასტიკად სცემეს პოლიციის თანამშრომლებმა. ხელბორკილდადებულ გ. კ ხელკეტებს ურტყავდნენ ტანზე და თავის მიდამოებში, რის შედეგადაც მან მიიღო სხეულის მძიმე დაზიანებები. ცემის დროს ამ უკანასკნელმა დაკარგა გონი, რის გამოც მისმა მშობლებმა გამოიძახეს სასწრაფო დახმარება, თუმცა პოლიციის თანამშრომლებმა ექიმები კ-სთან არ შეუშვეს. მოგვიანებით მშობლები იძულებულნი გახდნენ სასწრაფო დახმარება ხელმეორედ გამოეძახათ და მათი დაჟინებული მოთხოვნით შესაძლებელი გახდა ექიმების მიერ გ. კ-ის გასინჯვა, რა დროსაც ექიმების მიერ დაფიქსირებული იქნა მის სხეულზე არსებული მრავლობითი დაზიანებები და თავის ქალის ტრავმა. 

პოლიციის თავაშვებულობას ვერც გ. კ-ის მშობლები გადაურჩნენ უსაფრთხოდ და მათი შეურაცხყოფის ობიექტები აღმოჩნდნენ, როდესაც მშობლებმა სცადეს შვილს გამოსარჩლებოდნენ და პოლიციელებს სთხოვეს შეეწყვიტათ მათი შვილის ცემა. საპასუხოდ პოლიციის განყოფილების თანამშრომელმა ჰამლეტ ჰუსეინოვმა გ. კ-ს მამას სახეში ხელი გაარტყა. 

ადვოკატებმა 28 სექტემბერს შუამდგომლობით მიმართეს ქ. თბილისის ვაკე-საბურთალოს საგამოძიებო სამსახურის უფროსის მოადგილეს დავით ნატრიაშვილს გ. კ-ის სხეულზე არსებული დაზიანებების ხარისხის დადგენის მიზნით მისთვის სამედიცონი ექსპერტიზის დაუყოვნებლივ ჩატარების თაობაზე. მიუხედავად იმისა, რომ შუამდგომლობა ადვოკატებმა 28 სექტემბერს ჩააბარეს, მას ექსპერტიზა ჯერ არ ჩატარებია და გამოძიება ყველანაირად ცდილობს გააჭიანუროს ექსპერტიზის ჩატარება.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
ახალი კორონავირუსის გავრცელების გამო დაკარგეთ თუ არა სამსახური?
დიახ არა

ბლოგი

ძალადობის მსხვერპლი ქალები
ასაკის მატებას ერთი უპრატესობა აქვს, მრავალწლიან გამოცდილებასთან ერთად საზოგადოებრივი ცნობიერების ცვლილების უშუალო მონაწილე ხდები. ეს ცვლილებები შემდეგ უკვე საკანონმდებლო ცვლილებებში აისახება. დრო ცვლის
ვრცლად...
ქალ პატიმართა მოლოდინები
სექსუალური უმცირესობები საქართველოს ციხეებში
არქივი
   

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2020 HRIDC