09:34, Thursday, 14.11.2019
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

ნაცემი და ნაწამები, 66 წლის ლიანა ჩანჩლიაშვილი დამნაშავეთა დასჯას ითხოვს

30.05.2006
ნაცემი და ნაწამები, 66 წლის ლიანა ჩანჩლიაშვილი დამნაშავეთა დასჯას ითხოვს

                                  

შს ახმეტის რაიონული განყოფილების ხელმძღვანელობა და უფროსი, პოლიციის პოლკოვნიკი გელა შაშიაშვილი, მოქალაქეებმა ადამიანის უფლებების დარღვევაში არაერთხელ ამხილეს. ამჯერად მას ქ. ახმეტაში მცხოვრები 66 წლის ლიანა ჩანჩლიაშვილი დაუპირისპირდა. მოხუცებული ქალბატონი, რომელიც ექვსმა ნიღბიანმა ახალგაზრდამ მცირე ხნის წინ, ღამით, საკუთარ საცხოვრებელ სახლში სადისტურად სცემა და აწამა, პოლიციის უფროსს დამნაშავეთა მფარველობაში ადანაშაულებს და დახმარებას ადამიანის უფლებების დამცველებს სთხოვს.

ლიანა ჩანჩლიაშვილის ტრაგედია მაშინ დაიწყო, როდესაც მან დამნაშავეთა მხილება გადაწყვიტა და პოლიციას მის სახლთან მომხდარი მკვლელობის ზუსტი დეტალების შესახებ ჩვენება მისცა. შედეგად, იგი დამნაშავეთა წამების მსხვერპლი გახდა. მიუხედავად იმისა, რომ ქალბატონმა ლიანამ თავდამსხმელები ამოიცნო და ამის შესახებ პოლიციასაც აცნობა, იგი დღესაც დამნაშავეთა მხრიდან ანგარიშსწორების მოლოდინშია და სამართალდამცავებს კრიმინალური დაჯგუფების მფარველობაში ადანაშაულებს.

ყველფერი კი ასე დაიწყო: „2004 წლის ოქტომბრის თვეში ჩემს საცხოვრებელ სახლში დროებით შევიფარე საქართველოში ლტოლვილის სტატუსით მცხოვრები ჟაბრაილ მუსიხანოვი, მისი ძმა მაგომედ ტაზურკაევი, და - რაისა მუსიხანოვა და მისი მცირეწლოვანი შვილი. 2004 წლის 31 დეკემბერს, ჟაბრაილ მუსიხანოვთან სტუმრად მოვიდა მისი მეგობარი მაგომედ მაზაევი. დაახლოებით 18 საათზე მუსიხანოვი მაზაევთან ერთად სახლიდან ქუჩაში გავიდა, სადაც მან დაიწყო საახალწლო მაშხალების აფეთქება, რაზედაც მას შენიშვნა მისცეს იმ დროს ქუჩაში მყოფმა, პაატა გაგანაშვილმა და ვახტანგ ალბუთაშვილმა. მუსიხანოვმა მაშხალა ჩვენი ეზოს მიმართულებით კვლავ ააფეთქა, რაზედაც გაგანაშვილი და ალბუთაშვილი გაღიზიანდნენ. იცოდნენ, რომ ჟაბრაილი ჩეჩენი იყო და ყველანაირად ამცირებდნენ და ზღუდავდნენ. ამის შემდეგ მათ შორის მოხდა კამათი, რაც გადაიზარდა ჩხუბში. ჩხუბის ხმაზე მათთან მივიდა გოჩა ონიაშვილი და მოჩხუბრების გაშველებას შეეცადა. ამავე დროს ქუჩაში გავიდა მუსიხანოვის ძმა ტაზურკაევიც. გარეთ ჩხუბი მძიმე შედეგით დასრულდა. შეშის საპობი ცულით, ონიაშვილს თავის არეში ჭრილობა მიაყენეს, ოღონდ არა ჟაბრაილ მუსიხანოვმა. ონიაშვილი საავადმყოფოში გადაიყვანეს, სადაც ის 2005 წლის 1 აგვისტოს მიღებული დაზიანების გამო გარდაიცვალა. პასუხისგებაში კი ჟაბრაილ მუსიხანოვი მისცეს, არადა ონიაშვილისთვის ცული მას არ ჩაურტყამს. პოლიციას მე რეალური ჩვენება მივეცი, რაც დამნაშავეებმა გაიგეს, რამდენჯერმე თავს დამესხნენ, შეურაცხყოფა მომაყენეს და გამქურდეს. მესამე თავდასხმისას კი, ღამის 2 საათზე, ჯერ დამაბეს, შემდეგ ექვსივე მათგანმა, რომელთაც ნიღბები ეკეთათ, თუმცა ვიცანი რომ ჩვენი უბნის ახალგაზრდები იყვნენ, წიხლებით მცემეს. გონი მხოლოდ დილით მომივიდა, რის შემდეგაც პოლიციას მივმართე“,- გვიამბობს ლიანა ჩანჩლიაშვილი, რომელსაც სამართალდამცავებმა ექსპერტიზის ჩასატარებლად შუამდგომლობა მხოლოდ მას შემდეგ მისცეს, რაც დაზარალებული პროტესტის უკიდურესი ფორმების მიღებით დაიმუქრა.

ექსპერტიზის შედეგად ლიანა ჩანჩლიაშვილს მენჯის ძვლების მოტეხილობა, მძიმე ფორმის დაჟეჟილობები, ტრავმული დაზიანებები და ტვინის შერყევა დაუდგინდა. დაზარალებულმა ექსპერტის დასკვნის პოლიციაში წარდგენა ჯანმრთელობის მდგომარეობის გაუარესების გამო ვეღარ შეძლო. გარდა ამისა, მას თავდამსხმელები დაემუქრნენ, პოლიციიდან განცხადება გამოეტანა, წინააღმდეგ შემთხვევაში მოკლავდნენ. „დამემუქრნენ, პოლიციიდან განცხადების გამოუტანლობის შემთხვევაში ისე მოგკლავთ, ვერავინ გაიგებს მოგკალით თუ მოკვდიო. პოლიციაში მიხვალ და განცხადებას უკან გამოიტან. დაწერ, რომ აღარ ჩივიხარ და მეტი არაფერი. პოლიციაში ზედმეტ კითხვებს არ დაგისვამენო – მითხრეს. ...ახმეტის პოლიციიდან კი გამოვიტანე განცხადება, მაგრამ მოვახერხე და თელავის პროკურატურასა და სამხარეო პოლიციაში ვიჩივლე, მაგრამ იქაც ამაოდ. ყურადღება არავინ მომაქცია. არადა, პირდაპირ გეტყვით, ირაკლი ქინქლაძემ, შოთა ანდრიაშვილმა, ზაზა ონიაშვილმა და სხვებმა მარტო მე კი არ დამაყაჩაღეს, სხვებსაც ამწარებენ,“- შეშფოთებულია ლიანა ჩანჩლიაშვილი, რომელსაც დღეს ჯანმრთელობის მდგომარეობა კიდევ უფრო გაუარესებული აქვს და დახმარებას ითხოვს და თან ამატებს: „დარწმუნებული ვარ, გაზეთში წერილის გამოქვეყნების შემდეგ კვლავ მომაკითხავენ და შეიძლება მომკლან კიდეც“.
 
ახმეტაში რომ შეიარაღებული ახალგაზრდების ბანდა დათარეშობს, ამას სხვა რესპონდენტებიც ადასტურებენ. „ქინქლაძემ და სხვებმა ნინიაშვილების ბიჭი ჯერ სახლში დაპატიჟეს, მერე შეკამათდნენ და იქვე მოკლეს. პოლიციამ ბოლოს სახლის პატრონი დააკავა; შეუცვივდნენ ასევე ქ. ახმეტაში მცხოვრებ ესმა შაშიაშვილს, გაკოჭეს და ყველაფერი წაიღეს. ბოლოს ეგ საქმე ქურდებში გაირჩა და ყაჩაღებმა, წაღებული ნივთები უკან დააბრუნეს; დააყაჩაღეს ზამთარაძე. კვალის წაშლის მიზნით, მის მოკვლასაც ეცადნენ, მაგრამ გადარჩა; მაღალაშვილებსაც მიუცვივდნენ, მიშა მაღალაშვილს თავში ქვა ჩაარტყეს; ვაჟა კოტორაშვილიც დააყაჩაღეს, რომელიც სიკვდილს გადარჩა; დამნაშავეებს საქმე აქვთ პანკისის ხეობაში ქისტებთან, საიდანაც ნარკოტიკების რეალიზაციასაც ახდენენ. წილში ჰყავთ პოლიციაც. ამას წინათ, ანდრიაშვილმა პოლიციელიც დაჭრა ფეხში, რის შემდეგაც გაიქცა. ამ განუკითხაობას დასასრული ხომ უნდა ჰქონდეს“, - კითხულობს აღშფოთებული ხალხი ახმეტაში და ადგილობრივთა იმ გვარებს მოიხსენიებენ საუბარში, რომელნიც პოლიციელთა უმოქმედობის გამო ორგანიზებულ დამნაშავეთა ჯგუფის მსხვერპლნი ხდებიან.

ზემოთჩამოთვლილმა დაზარალებულებმა ჩვენთან შეხვედრა არ ისურვეს და კომენტარზეც, შესაძლო პრობლემების თავიდან ასაცილებლად, უარი განაცხადეს. მიუხედავად არაერთი მცდელობისა, შეხვედრაზე და კომენტარზე მოუცლელობის მოტივით, უარი განაცხადა ახმეტის პოლიციის უფროსმა გელა შაშიაშვილმა. შს კახეთის სამხარეო მთავარი სამმართველოს უფროსმა თემურ ანჯაფარიძემ შს სამინისტროს საზოგადოებასთან ურთიერთობის ხელმძღვანელთან, შოთა ხიზანიშვილთან გადაგვამისამართა. ამ უკანასკნელმა კი ჩვენი ზარები უპასუხოდ დატოვა.

„რამდენ ხანს გავუძლებ კიდევ, წიხლებით ცემისა და წამების შედეგად გაჩენილ ტკივილებსა და დაავადებებს, ვერ გეტყვით, მაგრამ გთხოვთ, თქვენ მაინც მოგვაქციოთ ყურადღება და ხელი შეუშალოთ იმ განუკითხაობას, რომელიც ახმეტაშია გამეფებული“,- სთხოვს ლიანა ჩანჩლიაშვილი ადამიანის უფლებების დამცველებს.
   


გელა მთივლიშვილი კახეთიდან

Print Send to Friend Send to Facebook Tweet This
სახელი: Jesusteescucha
2012-06-22 15:29
Of course WE have cnebritutod to the formation of gangs. Guys with low self-esteem but quick witted and with some smarts that haven't been honed so he feels secure in himself will go and seek out other guys in his same situation and reign havoc and mayhem on the society they see have neglected them and thrown them aside. Crazy you say but it is a part of the many and varied reasons gangs form. We have turned a blind eye to domestic, physical and financial abuse; we've pretended that its a pretty situation when you can't feed em you shouldn't breed em by having baby showers and pretending that having children out of wedlock is NOT a sin; we don't lobby for laws to deal with sperm-donors; we drive past kids walking to/from school who are from the lower rungs of society; we forgot to teach them to say grace for their meals; we forgot that what made us unique and kept us special was:- IT TAKES A VILLAGE TO RAISE A CHILD. We forgot that each child; whether biological or not is OURS; just look at the havoc OUR younger residents caused two weeks ago!! Wouldn't it have been better for Gov't and private sector to have given those that needed/wanted vocational and technical training the assistance they needed rather than have the devil occupy their minds and time? YES we have failed. We as a nation has failed the test and I give an F as a grade!! BUT we can go back to the drawing board and re-do some of the ways we have been doing business with our future investments and just may save most of the next generation. God help us as we work together to make amends for the ills we have created and may He continue to bless the Cayman Islands
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
მხარს უჭერთ თუ არა სავალდებულო დაგროვებით საპენსიო სისტემას?
დიახ არა თავს შევიკავებ პასუხის გაცემისგან

ბლოგი

გორაშვილი vs ნაჭყებია
ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის ლექტორმა, გიორგი გორაშვილმა ამავე ფაკულტეტის სტუდენტს ბუბა ნაჭყებიას ფეისბუქის დახურულ ჯგუფში გინების გამო უჩივლა.
ვრცლად...
სიკვდილით სავსე ქალაქი
უგზო-უკვლოდ დაკარგულები - „არ დამივიწყო!“
არქივი
  

       

რედაქტორის აზრი

ხელისუფლებისგან მივიწყებული ვეტერანები
ყოველწლიურად მცირდება მეორე მსოფლიო ომის მონაწილეთა რაოდენობა. მათ შესახებ კი საზოგადოება მხოლოდ 9 მაისს იღებს ინფორმაციას, როდესაც ომის ვეტერანები, ტრადიციულად, გამარჯვების პარკში იკრიბებიან
ვრცლად...
უიმედოთა სოფელი
რა დაემართა სამართლიანობის აღდგენის ოცნებას
არქივი
თემები
კატეგორიები

Copyright © 2004 - 2019 HRIDC