08:02, Friday, 25.04.2014
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

გორის საკრებულოს წევრები სხვადასხვა თანამდებობებს უკანონოდ იკავებენ

20.03.2007
sakreb.gif

გორის საკრებულოში დიდი არეულობა იწყება. უახლოეს დღეებში რესპუბლიკური პარტია საკრებულოს თავმჯდომარეს იმ დეპუტატების შავ სიას აუფრიალებს, რომლებიც პარალელურად სხვა თანამდებობებს უკანონოდ ითავსებენ.

რამდენიმე ხნის წინ ,,ადამიანის უფლება ცენტრის“ გორის ოფისის ჟურნალისტი წერდა, რომ საკრებულოს ამჟამინდელი თავმჯდომარის მარლენ ნადირაძის მიმართ სისხლის სამართლის საქმე იარაღის უკანონო ტარებისთვის და გამოყენებისთვისაა აღძრული. აღნიშნული იარაღით, რესტორან ,,გუდაბერტყიაში“ სროლა მოხდა, რომლის მასრებიც გამოძიებამ ადგილიდან  ამოიღო.

ყოფილი პარლამენტარის ბადრი ნანეტაშვილის მიმართ ნადირაძის მუქარის ფაქტზე დიდი ხანია გამოძიება მიმდინარეობს.

რაც შეეხება დანარჩენ საკრებულოს წევრებს, რესპუბლიკელი შალვა ტლაშაძე ამბობს, რომ ,თვითმმართველობის კანონის მიხედვით, იმ ორგანიზაციებს, რომელსაც სახელმწიფო აფინანსებს, დაუშვებელია იმავდროულად საკრებულოს წევრი ხელმძღვანელობდეს. „გორის სატყეო დეპარტამენტი რაიონის ბიუჯეტიდან 150 ათასი ლარით ფინანსდება. მისი დირექტორია საკრებულოს დეპუტატი მალხაზ კაკაშვილი. რეალურად გამოდის, რომ მალხაზ კაკაშვილი თავის თავს აფინანსებს და ასევე თავის თავს უწევს მონიტორინიგს,“  - აცხადებს შალვა ტლაშაძე.

ჩვენთან საუბარში მალხაზ კაკაშვილი ირწმუნება, რომ მის შემთხვევაში, თანამდებობრივი უფლებამოსილების შეუთავსებლობას ადგილი არა აქვს. თუმცა, იქვე დასძენს, რომ თუკი მისი მხრიდან თანამდებობრივ უფლებამოსილების შეუთავსებლობას აქვს ადგილი, მაშინ დეპუტატის მანდატის მოხსნის პრობლემას ვერ ხედავს.

საკრებულოს აპარატის უფროსის თამარ მურალოვას თქმით, პრეტენზიები უსაფუძვლოა. ,,გორის სატყეო დეპარტამენტი ჯერჯერობით უშუალოდ არ არის საკრებულოს დაქვემდებარებული. ამდენად გამორიცხულია, რომ მალხაზ კაკაშვილი უფლებამოსილებას უკანონოდ ითავსებს. ვნახოთ, ამ საკითხზე ალბათ საკრებულოში ვიმსჯელებთ,“ - განმარტა თამარ მურალოვამ.

რესპუბლიკელები ძევერის მაჟორიტარულ ოლქში მიმდინარე პროცესებსაც ადევნებენ თვალყურს. ძევერის საკრებულოში თამარ მურალოვამ უფლებამოსილება მოიხსნა, რადგან იგი საკრებულოს აპარატის უფროსად გადაიყვანეს. ჩვენი ინფორმაციით, ადგილმონაცვლე გია ხოხაშვილიც და მეორე ადგილმონაცვლე მამუკა ლომსაძეც საკრებულოში შესვლაზე უარს აცხადებენ. დეპუტატის გარეშეა დარჩენილი მთლიანად ძევერის მაჟრიტარული ოლქი, სადაც რამდენიმე სოფელი შედის.

თამარ მურალოვა აცხადებს, რომ ხოხაშვილმაც და ლომსაძემაც საკრებულოში შესვლაზე უარი საკუთარი სურვილით განაცხადეს. ,,მართალია, ეს სოფლები დეპუტატების გარეშე დარჩა, მაგრამ მე ამ სოფლებს არანაირ ყურადღებას არ მოვაკლებ,“ - გვპირდება აპარატის უფროსი. რესპუბლიკური პარტიის წევრი შალვა ტლაშაძე აცხადებს, რომ გაუგებარია თუ რა ფორმით უხელმძღვანელებს აპარატის უფროსი სოფელს, მაშინ როდესაც მას საკრებულოს სხდომაზე საკითხის დაყანების უფლებაც კი არ აქვს.

საბა წიწიკაშვილი, გორი

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
თქვენი აზრით, ირღვევა თუ არა წინა ხელისუფლების ყოფილი მაღალჩინოსნების უფლებები?
ირღვევა არ ირღვევა არა ვარ ინფორმირებული მიჭირს პასუხის გაცემა

ბლოგი

მშიერი კომისიის წევრები და გაბრაზებული თავმჯდომარეები ბათუმში
არჩვენებს 2003 წლიდან ვაკვირდები. არც ერთი არჩევნები არ გამომიტოვებია, რასაც ვერ ვიტყოდი ჩემი საარჩევნო ხმის უფლების გამოყენებაზე - ყველა არჩევნებზე, იმის გამო რომ
ვრცლად...
ბეჭედი ნაკვეთურის გარეშე და ორსახელიანი ამომრჩეველი გურიაში
პირველად დამკვირვებლის სტატუსით
არქივი
    

რედაქტორის აზრი

პატიმართა მასობრივი პროტესტის მიზეზები
ბოლო ხანს მედიაში ერთ-ერთი აქტუალური თემაა პატიმართა პროტესტი გეგუთის კოლონიაში. ასობით პატიმარი პროტესტის სხვადასხვა ზომებს მიმართავს და კოლონიის დირექტორის გადაყენებას მოითხოვს. ისინი საპატიმროს
ვრცლად...
შემოდგომის ბუზი
ადამიანის უფლებათა ცენტრი მაღალჩინოსნების სასამართლო პროცესებს დააკვირდება
არქივი
თემები
კატეგორიები

Copyright © 2004 - 2014 HRIDC