იუსტიციის სამინისტრო პროკურატურას 400 პატიმრის გათავისუფლებას სთხოვს
თბილისი.10.09.04.მედია-ნიუსი. იუსტიციის სამინისტრომ გენერალურ პროკურატურაში იმ 400 პატიმრის სია გააგზავნა, რომელთაც მსუბუქ დანაშაულში ედებათ ბრალი და შესაძლებელია მათი წინასწარი პატიმრობა სხვა აღმკვეთი ღონისძიების ფორმით შეიცვალოს.
იუსტიციის მინისტრის გიორგი პაპუაშვილის თქმით, პროკურატურა იუსტიციის სამინისტროს ამ ინიციატივას ამჟამად იხილავს.
წინასწარ პატიმრობაში მყოფ პირთა რაოდენობა ბოლო პერიოდში საგრძნობლად გაიზარდა. თბილისის #1 საპყრობილეში პატიმართა რაოდენობამ 3000 მიაღწია.