პოლიციელთა სისხლიანი სპეცოპერაცია

პოლიციელთა სისხლიანი სპეცოპერაცია

გუშინ გამთენიისას აჭარის პოლიციამ წინააღმდეგობის გაწევის დროს სულხან ლომიძე მოკლა. შინაგან საქმეთა აჭარის მთავარი სამმართველოს უფროსი გიორგი პაპუაშვილის განცხადებით, ადრე ნასამართლევი ლომიძე ამჟამად რამდენიმე ყაჩაღობაში იყო ეჭვმიტანილი და იძებნებოდა. ხელვაჩაურის რაიონში სპეცოპერაციის დროს ეჭვმიტანილმა პოლიციას ცეცხლი ავტომატური იარაღით გაუხსნა. ორმხრივი სროლის შედეგად არცერთი პოლიციელი არ დაზიანებულა.

სროლის დროს გაქცევა მოახერხა მოკლულის ძმამ რაულ ლომიძემ, რომელიც ასევე ყაჩაღობის გამოა ძებნილი.

საქმეს აჭარის პროკურატურა იძიებს, რომელმაც სხვა გარემოებებთან ერთად უნდა დაადგინოს რამდენად აუცილებელი იყო პოლიციის მხრიდან სალიკვიდაციო ღონისძიებები.

ნესტან ცეცხლაძე ბათუმიდან