სახალხო დამცველი სახელმწიფო სახსრების მითვისების ბრალდებით გასამართლებულ ჟურნალისტს შეხვდა

სახალხო დამცველი სახელმწიფო სახსრების მითვისების ბრალდებით გასამართლებულ ჟურნალისტს შეხვდა

სახალხო დამცველი სოზარ სუბარი სახელმწიფო სახსრების მითვისების ბრალდებით გასამართლებულ ჟურნალისტ თამაზ ბაკურიძეს ბათუმის საპყრობილეში, უკვე მესამედ შეხდა.

შეხვედრა, ბაკურიძის თხოვნითვე, 9 თებერვალს შედგა. სოზარ სუბარმა განაცხადა, რომ ბაკურიძე მის საქმეზე რეაგირებას ითხოვს. კერძოდ, საკითხი ეხება,  აჭარის უმაღლესი სასამართლოს მიერ ჟურნალისტის აპელაციის განხილვის 45 დღიანი ვადის დარღვევას.

შეხვედრის შემდეგ სუბარმა განაცხადა, რომ რეაგირებისათვის მან შესაბამისი დოკუმენტები მოითხოვა. საქმის მასალებს თავად ბაკურიძე გააგზავნის სახალხო დამცველთან თბილისში.

ბაკურიძე, 1999-2003 წლებში, აჭარის ავტონომიის ყოფილი მეთაურის ასლან აბაშიძის პრეს-მდივანი და  აჭარის სახელმწიფო ტელევიზიის ხელმძღვანელი იყო.

სასამართლომ ბაკურიძე გასულ წელს გაასამართლა და  აჭარის ტელევიზიის კუთვნილი სახსრების მითვისების ბრალდებით, 6 წლითა  და 6 თვით პატიმრობა მიუსაჯა.