03:31, Friday, 18.04.2014
YouTube
Twitter
Facebook
RSS
ქართული English

პორტალი ადამიანის უფლებების შესახებ

Go
გაფართოებული ძიება

გიორგი ცაგარეიშვილი მისი შვილის ცემაში ბრალდებულის ოჯახისთვის ბოდიშის მოხდას არ აპირებს

24.05.2012

ინტერპრესნიუსი

დეპუტატი გიორგი ცაგარეიშვილი მისი შვილის ცემაში ბრალდებულის ოჯახისთვის ბოდიშის მოხდას არ აპირებს. „კიდევ მე უნდა მოვიხადო ბოდიში და თან ვის უნდა მოვუხადო?! სახლში შემომეჭრნენ, 5 კაცი წამოადგა ჩემ შვილს თავზე, სიკვდილს ძლივს გადაურჩა და კიდევ ბოდიშის მოხდას ითხოვენ? სინდისი და ნამუსი ხომ უნდა არსებობდეს?! იჩივლონ სადაც უნდათ“, - განუცხადა ცაგარეიშვილმა „ინტერპრესნიუსს“.

დეპუტატის განმარტებით, პოზიცია, რომ მის შვილს პოლიტიკური ანგარიშსწორების მიზნით გაუსწორდნენ, არ შეუცვლია. „ვიდრე ხელისუფლება საპირისპიროს არ დამიმტკიცებს, ყოველთვის ამ აზრზე დავრჩები“, - აღნიშნა ცაგარეიშვილმა.

ამასთან, ცაგარეიშვილის მტკიცებით, გარკვეული პერიოდის წინ, მას თითქმის მთელი თვის განმავლობაში პროკურატურიდან უკავშირდებოდნენ ოჯახის ადვოკატის მეშვეობით და სთხოვდნენ, დაეწერა უწყებისადმი სპეციალური მიმართვა, სადაც დაადასტურებდა, რომ აღნიშნული ქმედება პოლიტიკური ანგარიშსწორების ნიშნებს არ შეიცავდა.

„ეს შეთავაზება მოხდა რამდენჯერმე. მინდა ისიც აღვნიშნო, რომ საქმეში დევს დაზარალებული ზურაბ ცაგარეიშვილის განცხადება, რომელიც ამბობს, რომ პატიობს ქმედებას დამნაშავე ერგემლიძეს და აქვე აფიქსირებს, რომ მასთან არანაირი პრეტენზია არა აქვს. ძალიან მაინტერესებს, რა მნიშვნელობა ექნებოდა გამოძიებისთვის ჩემგან იმის თქმას, რომ ჩემი შვილის ცემა პოლიტიკას არ უკავშირდებოდა? ამ ყველაფრის შემდეგ დამნაშავის ოჯახის განცხადებამ კიდევ ერთხელ განმიმტკიცა შეხედულება, რომ დანაშაულში პოლიტიკური მოტივი იკვეთება“, - აღნიშნა ცაგარეიშვილმა.

დეპუტატი ეჭვობს, რომ მისი შვილის ცემაში ბრალდებულის ოჯახზე ხელისუფლების მხრიდან გარკვეული ზეწოლა მიმდინარეობს.

„მინდა ვთხოვო ამ ოჯახს, რომ ნუ გახდება ხელისუფლების ხელში ბრმა იარაღი“, - დასძინა დეპუტატმა.

გაზეთ „რეზონანსის“ ინფორმაციით, ცაგარეიშვილის შვილის ცემაში ბრალდებულის, ივანე ერგემლიძის დედა, თინათინ ერგემლიძე გიორგი ცაგარეიშვილისგან ცილისწამებისთვის საჯაროდ ბოდიშის მოხდას მოითხოვს.

თინათინ ერგემლიძის განცხადებით, 14 დეკემბერს ახალგაზრდებს შორის ჩხუბი დეპუტატმა პოლიტიკურ ანგარიშსწორებად შეაფასა. ბრალდებულის დედის თქმით, მისი შვილი გიორგი ცაგარეიშვილის ვაჟმა, ზურაბ ცაგარეიშვილმა წონასწორობიდან გამოიყვანა და ფიზიკური შეურაცხყოფა რესტორანში მომხდარ სიტყვიერ დაპირისპირებას მოჰყვა.

თინათინ ერგემლიძის თქმით, ტყუილია ცაგარეიშვილის განცხადება, თითქოს მისმა შვილმა ტვინის შერყევა მიიღო.

„ზონდერად“ ჩემი შვილი თვითონ ცაგარეიშვილმა გამოაცხადა იმ საბაბით, რომ ის კონტრდაზვერვაში მუშაობდა...ჩემი შვილი კონტრდაზვერვაში 2007-2009 წლებში მუშაობდა და მომხდარს მის ყოფილ სამსახურთან არავითარი კავშირი არ აქვს“, - განაცხადა თინათინ ერგემლიძემ.

მისი თქმით, ოჯახი ხედავს, რომ ცაგარეიშვილი ბოდიშის მოხდას არ აპირებს და ამიტომ იძულებულნი არიან, სასამართლოს მიმართონ და დეპუტატს ბოდიში ასე მოახდევინონ.

თინათინ ერგემლიძემ ცოტა ხნის წინ ადამიანის უფლებათა ცენტრსაც მიმართა. humanrights.ge-ს სტატიაც მოამზადა, რის შემდეგაც თემით გაზეთი „რეზონანსიც“ დაინტერესდა.

Print Send to Friend Send to Facebook Tweet This
დატოვეთ თქვენი კომენტარი
თქვენი სახელი:
თქვენი კომენტარი:

ქართულად
დამცავი კოდი: Code
სხვა სიახლეები
გამოკითხვა
თქვენი აზრით, ირღვევა თუ არა წინა ხელისუფლების ყოფილი მაღალჩინოსნების უფლებები?
ირღვევა არ ირღვევა არა ვარ ინფორმირებული მიჭირს პასუხის გაცემა

ბლოგი

მშიერი კომისიის წევრები და გაბრაზებული თავმჯდომარეები ბათუმში
არჩვენებს 2003 წლიდან ვაკვირდები. არც ერთი არჩევნები არ გამომიტოვებია, რასაც ვერ ვიტყოდი ჩემი საარჩევნო ხმის უფლების გამოყენებაზე - ყველა არჩევნებზე, იმის გამო რომ
ვრცლად...
ბეჭედი ნაკვეთურის გარეშე და ორსახელიანი ამომრჩეველი გურიაში
პირველად დამკვირვებლის სტატუსით
არქივი
    

რედაქტორის აზრი

პატიმართა მასობრივი პროტესტის მიზეზები
ბოლო ხანს მედიაში ერთ-ერთი აქტუალური თემაა პატიმართა პროტესტი გეგუთის კოლონიაში. ასობით პატიმარი პროტესტის სხვადასხვა ზომებს მიმართავს და კოლონიის დირექტორის გადაყენებას მოითხოვს. ისინი საპატიმროს
ვრცლად...
შემოდგომის ბუზი
ადამიანის უფლებათა ცენტრი მაღალჩინოსნების სასამართლო პროცესებს დააკვირდება
არქივი
თემები
კატეგორიები

Copyright © 2004 - 2014 HRIDC