პორტალი ადამიანის უფლებების შესახებ

2006 წლის 8 ივლისს, ჟურნალისტ მარინა გოგოლაძისათვის ხელჩანთაში ტყვიის ჩადების ფაქტზე აღძრული სისხლის სამართლის საქმე, დანაშაულის ნიშნების არ არსებობის გამო შესაძლოა შეწყდეს. ჟურნალისტი ტყვიის ჩადებას ლაგოდეხის პოლიციის უფროსის მოადგილეს გია ლომიძეს უკავშირებს. აღსანიშნავია, რომ ამ საქმესთან დაკავშირებით ჟურნალისტს სიცოცხლის ხელყოფით ემუქრებიან.

მოსამართლე ნონა მაისურაძემ 20 წლის დავით ბაძგარაძე 9 თვიანი უკანონო პატიმრობის შემდეგ სასამართლო დარბაზიდან გაათავისუფლა. მას ბრალად ედებოდა მოქალაქე სოფიო ზურაბაშვილის დაყაჩაღება და მობილური ტელეფონის წართმევა. მართალია, მის დასაკავებლად საქმეში საკმარისი მტკიცებულებები არ არსებობდა, თუმცა ისანი-სამგორის რაიონული პროკურორის ნინო ციხისელის მოთხოვნით, ბაძგარაძეს პატიმრობა მიუსაჯეს.

27 აგვისტოს, საღამოს 6 საათზე გორის რაიონის სოფელ ზერტში შიდა ქართლის სამხარეო პოლიციის თანამშრომლებმა სპეცოპერაციისას 25 წლის ბიჭს, მირზა ბესიაშვილს მრავლობითი ცეცხლსასროლი ჭრილობა მიაყენეს. იმ დროისთვის სახლში ოჯახის ყველა წევრი იმყოფებოდა. დაახლოებით 30-მდე ნიღბოსანი პოლიციელი ბესიაშვილის ოჯახში იარაღის სროლით შევიდა. სამართალდამცავთა ინფორმაციით, მირზა ბესიაშვილს სხვადასხვა დანაშაულებრივ ფაქტებზე ედება ბრალი.

4 სექტემბერს გორის მერობის ერთ-ერთი კანდიდატი მამუკა ფანიაშვილი დააპატიმრეს. ადგილობრივი სამხედრო პოლიცია მის ჯარში გაწვევას უკანონოდ, ძალით ცდილობდა. ჟურნალისტების აქტიურობისა და 4 საათიანი პატიმრობის შემდეგ კი გაირკვა, რომ სამართალდამცველებს შეცდომა მოუვიდათ და ფანიაშვილი უკანონოდ აიყვანეს. ამის შემდეგ კი იძულებულები გახდნენ, ის გაეთავისუფლებინათ.

არასამთავრობო ორგანიზაციები ოჯახური ძალადობის წინააღმდეგ გამოდიან და ხელისუფლებას ძალადობის მსხვერპლთა დაცვისკენ მოუწოდებენ. მათი გააქტიურება თბილისში 29 აგვისტოს მომხდარმა უბედურმა შემთხვევამ გამოიწვია, როცა სამართალდამცველებმა ოჯახური ძალადობის მსხვერპლი, 32 წლის ფეხმძიმე ნათია ჯანელიძე დააპატიმრეს.

როგორც მოსალოდნელი იყო, თხილის სეზონის დაწყებასთან ერთად, გალის რაიონში გახშირდა ყაჩაღური თავდასხმები, მშვიდობიანი ქართული მოსახლეობის აწიოკება. მარტო მიმდინარე კვირას, ზედიზედ რამდენჯერმე შევიდა ე.წ. აფხაზური მილიციის ქვედანაყოფები დაბალი ზონის სხვადასხვა სოფელში.

პატიმრებმა მოქალაქეების დაყაჩაღების ახალ საშუალებას მიაგნეს: ისინი საკნიდან დანაშაულის ჩადენას მობილური ტელეფონის საშუალებით ახერხებენ და თაღლითობით მოქალაქეებს საკუთარ მობილურ ტელეფონებზე ანგარიშს ავსებინებენ. აღნიშნული პროცედურა კი შემდეგნაირად მიმდინარეობს:

ლაგოდეხის რაიონული სასამართლოს მოსამართლემ ნანა ჩალათაშვილმა, საზღვრის დაცვის #6 რეგიონული სამმართველოს ყოფილ უფროსს, ბესიკ ზურაბიშვილს ერთწლიანი პატიმრობა შეუფარდა. დაპატიმრებულის ადვოკატი ნინო აგაბეკოვა რაიონული სასამართლოს განაჩენის სააპელაციო სასამართლოში გასაჩივრებას გეგმავს, კახეთის რეგიონში მოქმედი არასამთავრობო ორგანიზაციები კი ზურაბიშვილის დაპატიმრებას ახირებას უწოდებენ.

„მაჩვენეთ ჩხრეკის ოქმი, მეტს არაფერის ვითხოვ”, – ეუბნებოდა ფინანსური პოლიციის მუშაკებს 53 წლის დაკავებული თამაზ ელბაქიძე, რომელსაც შიდა ქართლის ფინანსური პოლიცია კონტრაბანდული სიგარეტის გადაზიდვაში ედავება. გორის რაიონული სასამართლოს მოსამართლე ზაზა რამიშვილმა არ გაითვალისწინა დაკავებულისა და მისი ადვოკატის თამარ თედლიაშვილი მოთხოვნა და დაკავებულს ისე შეუფარდა წინასწარი ორთვიანი პატიმრობა, რომ მოსამართლესაც თვალით არ უნახავს ჩხრეკისა და დაკავების ოქმი.

3 აგვისტოს ღამის 4 საათზე, ხულოს რაიონის სოფელ უჩხოში, გივრაძეების ოჯახში, სამართალდამცავები ემზარ კვიციანს, ცეცხლსასროლ იარაღსა და ასაფეთქებელ ნივთიერებებს ეძებდნენ. ჩხრეკისას სპეცრაზმელებმა ოჯახს გარკვეული ზიანიც მიაყენეს. სპეცოპერაციით შეშინებული ოჯახის წევრები ოპერაციის დეტალებს იხსენებენ.