პორტალი ადამიანის უფლებების შესახებ

გორის რაიონში პოლიტიკური ვითარება სულ უფრო იძაბება. საქმეში უკვე ბახუსი და მუშტი ჩაერთო. აგრესიულად განწყობილი ადამიანები კოალიცია „ქართული ოცნების“ ლიდერების  სოფლებში შეხვედრების ჩაშლას სხვადასხვა ხერხით ცდილობენ. აგრესიას ჟურნალისტების მიმართაც გამოხატავენ. სოფელ ახალდაბაში ერთმა პიროვნებამ სააგენტო „ინფო 9“-ის ოპერატორს თორნიკე თიბილაშვილს ჯერ გადაღების შეწყვეტა მოსთხოვა და შემდეგ მუშტი პირდაპირ სახეში ჩაარტყა. ამავე სოფელში ჩხუბი ოპოზიციისა და ხელისუფლების მომხრეებს შორისაც გაიმართა.

12 ივლისს თბილისის საქალაქო სასამართლომ ოპოზიციური კოალიცია „ქართული ოცნების“ ლიდერის ბიძინა ივანიშვილის „ქართუ ჯგუფის“ აქციათა 100%-ის და „პროგრეს ბანკის“ აქციათა 21.7%-ის მმართველად ვლადიმერ უგულავა დანიშნა.

თბილისის საქალაქო სასამართლომ 11 ივლისს დააკმაყოფილა მთავარი პროკურატურის შუამდგომლობა ტელეკომპანია „მაესტროს“ მიერ საქართველოში შემოტანილი „დიდი ოდენობით“ სატელიტურ ანტენების დააყადაღების თაობაზე, რაც პროკურატურის თქმით, ამომრჩეველთა შესაძლო მოსყიდვას უკავშირდება.

12 ივლისს სასტუმრო „ამბასადორში“ ორგანიზაცია „კონსტიტუციის 42-ე მუხლმა“ ბიზნეს სფეროს მარეგულირებელი კანონმდებლობისა და პრაქტიკის კვლევის პრეზენტაცია გამართა.