პორტალი ადამიანის უფლებების შესახებ

დღეს თბილისის პოლიციის მთავარ სამმართველოსთან დაკავებული ახალგაზრდების დედებმა აქცია გამართეს. მათ აქციის მსვლელობის დროს მიიღეს გადაწყვეტილება შსს დროებითი მოთავსების #2 იზოლატორის უფროსის ვალერი კაკაურიძის სახელზე განცხადება დაეწერათ. თუმცა მათი განცხადება შინაგან საქმეთა პოლიციის მთავარი სამმართველოს კანცელარიაში არ ჩაიბარეს.

14 ივნისს საქართველოს პრეზიდენტი მიხეილ სააკაშვილი საპარლამენტო უმრავლესობას შეხვდა. შეხვედრის დროს პრეზიდენტი პოლიციელების მიერ ჟურნალისტებისთვის მუშაობაში ხელშეშლის ფაქტებსაც შეეხო და განაცხადა, რომ შენიშვნა მისცა სამართალდამცავებს, არავითარ შემთხვევაში არ შეზღუდონ ჟურნალისტების მუშაობა. პრეზიდენტის ამ გამოსვლის შემდეგ დაზარალებულ, ნაცემ ჟურნალისტებს ბოდიში სხვა ჩინოვნიკებმაც მოუხადეს. შს სამინისტრომ კი პოლიციის სამ თანამშრომელს უფლებამოსილება შეუჩერა. მიუხედავად იმისა, რომ ჟურნალისტებისთვის პროფესიული მოვალეობის შესრულებაში უკანონოდ ხელშეშლა კანონით დასჯადია, სისხლის სამართლის პასუხისგებაში ამ დრომდე არცერთი სამართალდამცავი არ მიუციათ.

"ალიანი საქათვლოსთვის" წევრის ზაალ გუდაძის და ამავე პარტიის მხარდამჭერი თამაზ ტლაშაძის და დაკავების გამო, გორში, დღეს 16 საათზე მორიგი საპროტესტო აქცია გაიმართება. “ალიანსის” წევრები აქციის გამართვას გორის თეატრის ეზოში აპირებენ. ადგილობრივი ორგანიზაციის წევრები იმედოვნებენ, რომ აქციას თბილისიდან შეუერთდებიან თანაპარტიელები თინა ხიდაშელი და დავით  ბერძენიშვილი.

გუშინ ღამის 11-დან 12 საათამდე "ალიანსი საქართველოსთვის" წევრი ზაალ გუდაძე და ამავე ალიანსის აქტიური მხარდამჭერი თამაზ ტლაშაძე დააკავეს. “ალიანსის” გორის ორგანიზაციის ხლმძღვანელი დავით რაზმაძე აცხადებს, რომ ზაალ გუდაძეს, ხელყუმბარები "აღმოუჩინეს", ხოლო თამაზ ტლაშაძეს სუბოტექსის ნატეხზე ედავებიან, თუმცა სუბოტექსის ნატეხი მტკიცებულებად საქმეში ჯერ არ დევს.